الأخطار التى تحدث نتيجة عدم الوعى باستخدام رشاشة المبيدات بشكل غير سليم The dangers that occur as a result of lack of awareness of the improper use of pesticides

بقالنا فترة بنشوف بوستات عن حيوانات أغلبهم قطعان ماشية وأغنام بتدور في دواير شوية مع عقارب الساعة وشوية عكس عقارب الساعة وكلام كتير انتشر بيقول إنّ دي علامة غرائبية وإنّ دا إنذار من الحيوانات لحاجة قد تحدث في القريب العاجل وإنّهم حاسّين بحاجة هتحصل وحاجات مُخيفة وكلام غريب كدة ..

.

أشهر ڤيديو اللّي متاخد منه الصورة الزرقا دي لقطيع من الأغنام في (منغوليا) الداخلية في (الصين)، وساعتها المصادر اللّي ذكرت الموضوع قالت إنّ القطيع دا بيدور بقاله ١٢ يوم وفي شوية منهم واقفين بيتفرّجوا، دا غير إنّ نفس المنظر دا بيتكرر كل فترة في بلدان مُختلفة من اللّي بيتربّى فيهم ماشية وحيوانات مزرعة وكدة، بس الفكرة إنّ مفيش دليل إنّهم كانوا بيلفَوا بقالهم أيام ولا حاجة، واللّي كانوا بيلّفوا دول هم مجرّد حظيرة واحدة من ٣٤ حظيرة كاملين في المنطقة دي ..

.

فمع احترامي للأسباب المُثيرة والغامضة دي بس الأسباب الحقيقية قد تبدو أقل إثارة ..

.

في سبب من سببين رئيسين ورا الحركة الدائرية دي، أولهما وأبسطهما سبب (سلوكي) ألا وهو (التعوّد) و(الضغط النفسي)، بمعنى إنّ الحيوانات دي بتبقى مُعتادة على مسافات واسعة أصحابهم بيسيبوهم يسرحوا فيها طول اليوم، يعني مزارعهم بتبقى مساحتها شاسعة جدًا فبيسيبوا الحيوانات ترعى وتجري فيها لفترة قبل ما يجمّعوهم ويقفلوا عليهم في حظائر ومناطق مُسوّرة أصغر بكتير من المُعتاد لفترات طويلة، فمبيكونش قدّام الحيوانات اللّي اتعوّدت على الجري دي إنّها تستفيد من المساحة الصغيرة دي في المشي والجري عشان حالتها النفسية تتحسّن، فهيجروا إزًاي غير في دواير عشان المنطقة محدودة ..؟

.

السبب التاني بقى هو السبب (العلمي)، ألا وهو مرض بكتيري اسمه Listeriosis  نتيجة لإصابة الحيوانات دي بما يُسمى بـ (Listeria Monocytogenes) بتيجي من عدّة أسباب منها تلوّث في التُربة والتعرّض لفضلات مُصابة أو السبب الأهم ألا وهو تناول الأطعمة المُصابة بيها وبتُصيب الإنسان والحيوان على حدٍ سواء، ومن كل ١٦٠٠ شخص تقريبًا بيُصاب بيها كل سنة حوالي ٢٦٠ شخص بيموت، وبما إنّ موضوعنا عن الحيوانات فخلّينا نكون موضوعيين شوية ..

.

لمّا البكتريا بتتحرّك من معدة الحيوان وتُصيب المُخ بيبقى تاثيرها قاتل، ومن ضمن أعراضها الحُمّى وفقدان التوازن مع تيبّس في الرقبة فعند الرغبة فالرؤية لازم الجسم كلّه يلف مش الرقبة بس، مع إكتآب وأخيرًا، الدوران في دوائر عشان دي أسهل حركة الجسم يقدر يتعوّد عليها ويتحّركها وهو فاقد السيطرة كدة زيّ باقي أعراض المرض، دا غير إنّ أغلب أمراض المخ بتخلّي الحيوان يتحرّك بميل كدة في نفس إتجّاه الجُزء المُصاب ..

.

عايز أقولك إن كل سنة الموضوع دا بيتكرّر وبتظهر بؤر تفشّي حول العالم، يعني الحوار مش جديد ولا غريب غير للناس اللّي بتربّي حيوانات بشكل إحترافي ومتوسّع بس ..

.

طب ليه بعض الحيوانات بتدور مع عقارب الساعة والبعض الآخر عكسها ..؟

.

هقولك إنّ مفيش سبب مُباشر لدا، فالنمط بيبقى إمّا عشوائي أو حسب المكان اللّي الحيوانات دي متواجدة فيه، بمعنى إنّ المُتعارف عليه إنّ نتيجة طبيعة دوران الأرض حول محورها بيحصل ما يُسمّى بـ (تأثير كيريوليس) اللّي بيخلّي دوران الأشياء زيّ الرياح، والدوامات في البحر، ح طيران الطيور، وحركة الحيوانات، وغيرهم يتغيّر بتغيير مكانهم، فلو في نصف الكرة الأرضية الشمالي الدوران بيبقى عكس عقارب الساعة، ولو في النصف الجنوبي بيبقى مع عقارب الساعة، فمُمكن بكل بساطة يكون دا سبب اختلاف اتجاه دوران الحيوانات من مكان لآخر ..

.

فسواء السبب في اللّي بيحصل فالڤيديوهات دي هو سبب سلوكي، أو سبب علمي، فهو بالتأكيد سبب غير غرائبي ولا ليه علاقة بحاجة هتحصل قريب ولا الحيوانات دي حاسّة بحاجة والكلام دا، هو دا بس الأكثر إثارة واللّي بيجيب ترافيك من لايكات وشير والجو دا، عشان كدة أغلب الناس اللّي نشروا الخبر دا مش هيفسّرولك الأسباب ورا الظاهرة زيّ ما أنا عملتلك كدة وهسيبوا الكلام عايم عشان يشدّ انتباهك أو يخوّفك، وفي كلتا الحالتين هو الكسبان وإنت مضحوك عليك ..

.