A group of snake species and their classification مجموعه من اصناف الثعابين وتصنيفها

الفرق بين برامج  bioinformatics و medical informatics و biomedicalinformatics   

 

 أوضح الفرق بكل بساطه

 

أولا: bioinformatic أو "المعلوماتية الحيوية" و هو التعامل مع البيانات الحيوية بكل أنواعها؛ يعنى DNA او RNA او protein او enzymes and metabolitesمش بس كدا؛ بيهتم كمان بالعلاقة بين الجينات و اليات تشغيلها (to be on or off) عشان تحقق وظيفة معينة بيولوجية. طبعا عشان البيانات البيولوجية ديه أصبحت بيانات ضخمة (Big Data) و معقدة جدا، لازم يكون في برامج متطورة تقدر تتعامل مع البيانات ديه عشان نطلع منها بمعلومة مفيدة و اكتشافات ببيولوجية. الي هيدرس بيوانفورماتكس لازم يتعلم برمجة عشان يطور برامج و في نفس الوقت لازم يكون فاهم بيولوجي عشان يبرمج البرنامج برمجة منطقية تتماشي مع الحقائق البيولوجية. بالنسبة لتطبيقات ال bioinformatic فهي متعددة و من أهمها المجالات الطبية زي مثلا اكتشاف جينات معينة ليها علاقة ببعض الامراض، إيجاد علاجات فعالة لان نفس الدواء يستجيب له المرضي استجابة مختلفة و ده معروف ب (Personalized Medicine) او محاولة ربط اكتشاف طفرات جينية معينة و ربطها بالأمراض و منها السرطان مثلا و كتير من التطبيقات الأخرى. اغلب الناس فاكره ان ال bioinformatic بتهتم بس بالتطبيقات الطبية، لكن من اهم التطبيقات الأخرى بتكون في مجالات تانية زي البيئية (مثلا اكتشاف جينات مسؤولة عن تكسير مواد ملوثة) او الزراعية (اكتشاف جينات مسؤلة عن صفات مهمة في النباتات مثل تحمل الملوحة و الجفاف و الحرارة) او صناعية (اكتشاف جينات مسؤلة عن انتاج انزيمات لها قيمة في الصناعة) طبعا في مجالات و تطبيقات تانية كتير يطول شرحها. 

ثانيا: مجال ال  medical informatics او "المعلوماتية الطبية" و زي ما واضح من الاسم ان مفيش كلمة “bio” و ده معناه ان نوع البيانات هنا مختلف، مفيش DNA ولا RNA ولا protein هنا، البيانات بتكون بيانات عن المرضي و المعروف ب “clinical data” زي مثلا الرقم القومي للمريض، سنه، وزنه، تاريخه المرضي، تاريخه العلاجي و هكذا و ده بيكون متخزن في ملفات علي الكمبيوتر في شكل “Medical Record” في قواعد بيانات ضخمة. طبعا المعلومات ديه ممكن تكون مشتركة بين مجموعة مستشفيات عشان لو روحت أي مستشفى تانية مثلا، الدكتور يقدر يعرف كل المعلومات عنك. الهدف من ده مش بس انشاء قاعدة بيانات و خلاص، الغرض ان ال system يقدر يفكر بشكل ذكي “intelligent system” فمثلا يساعد الدكتور علي التشخيص المبكر و التنبئ بالأمراض، او مثلا يحدر الطبيب من اختيار دواء معين لأنه يتعارض مع دوا تاني ممكن تكون انت مش قايل له عليه بس مسجل في ملفك، او مثلا يحسب احتمالية ان يكون في جنين عنده مشاكل وراثية (طبعا لو بيانات الآباء و الجدود متسجلة) و هكذا. من اهم الأنواع التانية هي صور الاشاعات، يعني هتتعلم ازاي تكتب برنامج يحلل صور الاشاعات و يساعد الطبيب في التشخيص بدقة و سرعه، و عشان تعمل ده لازم تتعلم تحليل الصور الطبية "Medical Image Analysis". من اهم البيانات الي هتتعامل معاها هي البيانات الي طالعة من الأجهزة الطبية، زي مثلا رسم القلب و المخ و السونار، هتكتب او تستعمل برامج تقدر تحلل البيانات ديه بدقة و تساعد الطبيب علي التشخيص. طبعا البيانات ديه (صور الاشاعات و بيانات الأجهزة الطبية) بتتضاف لقاعدة البيانات الي اتكلمنا عليها، و كدا الطبيب بيكون عنده صورة كلية عن حالتك الصحية. طبعا مش محتاج أقول ان لازم تتعلم كيفية حماية البيانات “Security” لأهميتها و قيمتها. مش محتاج أقول برضوه انك هتتعلم بعض العلوم الطبية زي Human anatomy و Human Physiology و غيره. و زي ما هو واضح من الاسم، التخصص ده تطبيقاته في الطب فقط بهدف تحسين الخدمة الصحية بشكل عام.

ثالثا: biomedicalinformatics    او "المعلوماتية الطبية الحيوية" و عشان مطولش عليكوا، هو جامع بين bioinformatic ,medical informatics، هتدرس جميع أنواع البيانات الطبية و التعامل معها، زي المعلومات الحيوية، بيانات المرضي، بيانات أجهزة طبية و صور اشاعات مع محاولة ربطهم ببعض. يعني الفرق بينه و بين ال bioinformatic انك هتتعامل مع بيانات بانواع متعددة مش بس حيوية بس التطبيقات مقتصره علي المجال الطبي، الفرق بينه و بين ال  medical informatics انك هتتعامل مع معلومات حيوية مع باقي الأنواع الي اتكلمت عنها. 

 

الملخص:

علم ال bioinformatic: بيانات حيوية فقط في تطبيقات متعددة

علم ال  medical informatics: بيانات طبية متعددة في تطبيقات طبية

علم ال biomedicalinformatics   : بينات متعددة بما فيها البيانات الحيوية في تطبيقات طبية

و اخر حاجة ان في كل التخصصات ديه، محتاج تتعلم برمجة و خوارزميات “Algorithms” بشكل كويس جدا، مع الرياضة و الأحصاء و علم البيانات او البيانات الضخمة “Data Science and Big Data” .